តើវាជារឿងធម្មតាសម្រាប់ទារកដែរឬទេ ដែលតែងតែជុះបន្ទាប់ពីបំបៅរួច?

ចម្លើយគឺធម្មតាទេ! សម្រាប់ឪពុកម្តាយថ្មោងថ្មីប្រហែលជាមានការព្រួយបារម្ភនៅពេលដែលឃើញកូនរបស់អ្នកជុះញឹកញាប់។ ពួកគាត់អាចមិនច្បាស់តើទារករាគឬក៏មានជំងឺអ្វីមួយ។ ពេទ្យកុមារ Tanya Remer Altmann, និងជាការីនិពន្ធនៃក្រុម The Wonder Years: Helping Your Baby and Young Child Successfully Negotiate the Major Developmental Milestones បាននិយាយថា "ទារកខ្លះតែងតែជុះ បន្ទាប់ពីបៅរួចនិងខ្លះទៀតជុះជារៀងរាល់បីថ្ងៃម្តង​ វាជាការធម្មតានោះទេ»។

Altmann បាននិយាយថា "ការជុះបន្ទាប់ពីបៅរួចគឺតែងតែកើតឡើងចំពោះទារកដែលទើបនឹងកើត"។ វាគឺជាសញ្ញាល្អហើយវានឹងកើតឡើងនៅក្នុងរយះពេលពីរបីសប្ដាហ៍ដំបូង។ សញ្ញានេះមានន័យថាទារកបានស្រូបយកទឹកដោះយ៉ាងច្រើន។

ការបំបៅទារកដោយទឹកដោះគោ(Formula-fed babies)ជាធម្មតាវាធ្វើឲ្យមានចលនាពោះវៀនតិចជាង បើប្រៀបធៀបទៅនឹងការប៉បៅដោះទារកដោយទឹកដោះម្តាយ(breastfed babies)។ ប៉ុន្តែវាជារឿងធម្មតាដូចគ្នាសម្រាប់ទារកដែលតែងតែជុះជារៀងរាល់ពេលបន្ទាប់ពីបំបៅរួច។

ភាពញឹកញាប់នៃចលនាពោះវៀននេះអាចថយចុះចន្លោះពី 3 ទៅ 6 សប្តាហ៍។ ប៉ុន្តែ Altmann និយាយថាទារកខ្លះនៅតែបន្តជុះបន្ទាប់ពីបំបៅដោះរួច។ នាងបាននិយាយថា "ក្មេងខ្លះអាយុ 1 ឆ្នាំនៅតែជុះប្រាំដងក្នុងមួយថ្ងៃ»។

ជាទូទៅប្រសិនបើចលនាពោះវៀនរបស់ទារកបន្តរថេរធម្មតាហើយទារកធ្វើសកម្មភាពដូចធម្មតានោះការបន្ទោលាមកជាញឹកញាប់គឺមិនចោទជាកង្វល់នោះទេ។ ប៉ុន្តែប្រសិនបើមានការផ្លាស់ប្តូភ្លាមៗដោយយើងសង្កេតឃើញថាលាមករបស់ទារកមានភាពរាវខ្លំាងខុសឆ្ងាយពីអ្វីដែលទារកធ្លាប់ជុះធម្មតាកន្លងមក នោះគួរពិភាក្សាជាមួយវេជ្ជបណ្ឌិតរបស់អ្នកភ្លាម។ ទារកប្រហែលជាឆ្លងមេរោគដែលធ្វើឲ្យរាគ (ពេលខ្លះក៏មានបញ្ហាទល់លាមកដែរ) ។ គ្រូពេទ្យភាគច្រើននឹងណែនាំឲ្យអ្នកប្រើថ្នាំ Bioflor ក្នុងករណីដែលទារករាគខ្លាំង។ យ៉ាងណាក៏ដោយលោកអ្នកគួរតែពិភាក្សាជាមួយគ្រូពេទ្យសិនមុននឹងប្រើប្រាស់ថ្នាំអ្វីមួយ។

ទារកដែលមានចលនាពោះវៀន(ជុះ)ញឹកញាប់ភាគច្រើនងាយនឹងរោលគូទ។ ប៉ុន្តែបើគូទរបស់គេគ្មានរោលក្រហមនោះគឺគ្មានបញ្ហាអ្វីនោះទេ។​ ក្នុងករណីមានកន្ទូលក្រហម, រមាស ឬរោល អ្នកគួរឈប់ប្រើកន្ទបមួយរយៈ ដើម្បីអនុញ្ញាតឱ្យគួទគេស្ងួតល្អ។ ប្រសិនបើគ្មានអ្វីដែលល្អប្រសើរឡើងអ្នកគួរជួបគ្រូពេទ្យរបស់អ្នក។